Samundar ke beech mein hu.. kinara dhunti hu..

Tere daman mein chupa le, sahara dhundti hu..

Ansu ban ke girta hai, dil se nikal ke dard mera..

Itni daya karde bas main ban jau sirf tera..

Ayega tu ek din, dil ko mere hai pura yakin..

Ankhein takti hai meri, darwaze par teri rah har din..

Main tadapti hu yaha agar, waha tujhe bhi chain kaha hoga?

Tu to brahman badshah hai.. tu mere haal se anjaan kaha hoga?

Tere liye pyar ka tohfa saja ke baithi hu..

Papo ki gadhri, pashyatap ke ansu aur teri yad le kar baithi hu..

Dar lagta hai kabhi kabhi, kahi tu ho na jaye mujhse khafa..

Par phir sochti hu, kusurwar main hi hu, tu to karta aya hai sirf wafa..

Bhul gayi thi main tujhe, is zamane ki chahat mein..

Ab maza nahi ata mujhe, is sajawat, is banawat mein..

Mujhe pata hai tu chup ke baitha hai, is dil ke mandir mein..

Aja bahar aja, gale se laga le mujhe, bas ek baar..bas ek baar..